Аксубай район мәдәният йортында яшьләрне патриотик тәрбияләүгә һәм Гаилә елына багышланган «Туган ил нәрсәдән башлана» дигән нәфис сүз конкурсы узды.

Конкурс мәдәният бүлеге начальнигы Алексей Тимирясов белән берлектә оештырылды һәм район башлыгы Камил Гилманов ярдәме белән үткәрелде. Конкурста 70тән артык бала һәм 30 өлкән кеше катнашты. Катнашучылар үзләренең осталыкларын һәм оригиналь башкаруларын күрсәтеп, җитди әзерләнделәр. Конкурста катнашучыларның барысына да катнашу турында дипломнар тапшырылды, иң яшь һәм иң өлкән катнашучылар истәлекле призлар белән билгеләнде. Иң яшь катнашучы булып җиде яшьлек Шәрбән  авылыннан Зиангиров Самат  , ә иң өлкән катнашучы Сөнчәле авылыннан 81 яшьлек Крайнова Александра Ивановна иде. Конкурста җиңүчеләр 22 февральдә район мәдәният йортында Ватанны саклаучылар көненә багышланган концертта игълан ителәчәк һәм бүләкләнәчәк.