Аксубай муниципаль районы башкарма комитеты ГХАТ бүлегенең 2023 ел өчен отчеты

Һәр елның гыйнвар-февраль айларында Татарстан Республикасы Аксубай муниципаль районы Башкарма комитеты бүлекләре үз эшчәнлекләренә йомгак ясыйлар. Район башлыгы Камил Гилманов катнашындагы атналык киңәшмәдә 2023 елдагы эш нәтиҗәләре һәм 2024 елга план турында ГХАТ бүлеге начальнигы Светлана Крайнова чыгыш ясады. Ул район җитәкчеләрен үз бүлегенең эш нәтиҗәләре белән таныштырды. Шулай ук катнашучыларны Россия Федерациясендә Гаилә елы белән котлады һәм гаилә кыйммәтләрен популярлаштыруга багышланган чаралар белән таныштырды.