Изге туй-дөньядагы иң искиткеч юбилей.

Аксубай муниципаль районы Башкарма комитетының ГХАТ бүлеге хезмәткәрләренә узган якшәмбе көнне Аксубай районының Иске Кармәт авылыннан Низамовлар Гыймат Гарәфович белән Гыйльмизамал Хәбетдиновнаның бергә яшәүләренең иң искиткеч юбилеена – изге туйларына бару бәхете тиде. Гыймат Гарәфович һәм Гыйльмизамал Хәбетдин кызы ерак 1954 елда Молотов өлкәсенең Губаха шәһәрендә (хәзер бу Пермь крае) үз гаилә берлеген оештыралар. Ләкин яшь пар чит илдә яши алмаган. Һәм 6 ел никахтан соң алар туган авылларына кайталар, аңа бөтен гомерләрен бирәләр. Бу искиткеч гаиләдә алты бала туган. Һәм хәзер юбилярлар үзләренең таҗ туйларын иң якын кешеләр: балалар, оныклар һәм оныкчыклар арасында билгеләп үтәләр.