Район Советында Аксубай урманчылыгы һәм урман хуҗалыгы коллективларының 2023 елгы эш йомгаклары һәм 2024 елның янгын куркынычлы һәм урман культурасы сезонына әзерлек буенча утырышы узды.

  Утырышта ТР Урман хуҗалыгы министры урынбасары Р.К. Гомәров, Аксубай районы башлыгы К. К. Гилманов, район башкарма комитеты җитәкчесе С. Ю. Зайцев, шулай ук Урманчылык һәм урман хуҗалыгының хезмәт коллективлары, районның авыл җирлекләре башлыклары катнашты. Урманчылыкның узган елгы эш нәтиҗәләре белән җитәкче-урманчы Андрей Ильмухин таныштырды, урманнарны саклау, яклау һәм яңадан үрчетү буенча дәүләт йөкләмәсен үтәү нәтиҗәләрен җентекләп яктыртты, барлык төп күрсәткечләрне анализлады. Утырыш бүләкләү тантанасы белән тәмамланды. ТР Урман хуҗалыгы министры урынбасары Рәис Гомәров һәм район башкарма комитеты җитәкчесе Станислав Зайцев тапшырдылар: Аксубай участок урманчылыгы урманчысы Сергей Мартыновка Татарстан Республикасы Урман хуҗалыгы министрлыгының Мактау грамотасы тапшырылды. ТР Урман хуҗалыгы министрлыгының Рәхмәтен инженер Диана Макарова алды. Шулай ук бу көнне урманчыларның гаилә династияләре дә хөрмәтләнде. Данлыклы династия вәкилләренә урманчылар Ильмухиннар, Макаровлар һәм Җамалиевлар ТР Урман хуҗалыгы министрлыгының Рәхмәт хатларын һәм истәлекле бүләкләр тапшырдылар.