Татарстан мөфтие урынбасары Равил Зөферовның күп балалы гаиләсе Россия Федерациясе Президентлыгына кандидат өчен бердәм тавыш бирде.

2024 елның 15 марты, җомга

Бүген Аксубай бистәсенең сайлау участогына беренчеләрдән булып Россия Федерациясе Президентына кандидат өчен тавыш бирергә Татарстан мөфтие урынбасары Равил хәзрәт Зөферов, аның хатыны Гөлия һәм аның күп балалы гаиләсе әгъзалары килде.

Зөферовлар гаиләсенең ун әгъзасыннан җидесе тавыш бирүдә катнаша, өлкән уллары Хөсәен һәм Хәсән  хатыннары  белән бергә тавыш бирәләр.

"Бүгенге көн безнең гаилә өчен, калган гаиләләр өчен, Россия гражданнары өчен мөһим. Без үз Президентыбызны, ил башлыгын, Ватаныбыз башлыгын сайлыйбыз. Без беләбез, илебез алга бара һәм безнең традицион кыйммәтләр - бу Аллаһы тәгаләнең бөтен мәрхәмәте. Бу безнең бурычыбыз, безнең хокукыбыз, бу көн мөбарәк булсын!- дип белдерде Равил хәзрәт.