Йорт хуҗалыгы участогы чикләре эчендә газ үткәрүгә һәм йорт эчендәге газ җиһазларын сатып алуга бер тапкыр бирелә торган субсидия бирү турында.

  Татарстан Республикасы Министрлар Кабинетының 11.03.2023 № 231 Карары нигезендә (Татарстан Республикасы Министрлар Кабинетының 08.02.2024 № 69 карары редакциясендә) йорт хуҗалыгы участогы чикләре эчендә газ үткәрү һәм йорт эчендәге газ җиһазларын сатып алу буенча 100 000 сумнан артмаган факттагы чыгымнар күләмендә бер тапкыр бирелә торган субсидия составы Бөек Ватан сугышы ветераннары, сугыш хәрәкәтләре ветераннары; һәлак булган (үлгән) сугыш инвалидларының, Бөек Ватан сугышында катнашучыларның, сугыш хәрәкәтләре ветераннарының гаилә әгъзалары; I һәм II төркем инвалидлар, инвалид бала; Бөек Ватан сугышы инвалидлары һәм сугыш хәрәкәтләре инвалидлары; инвалид балаларны караучы затлар, һәм шулай ук: күп балалы гаиләләргә; Донецк Халык Республикасы, Луганск Халык Республикасы, Запорожье өлкәсе, Херсон өлкәсе һәм Украина территорияләрендә үткәрелә торган махсус хәрби операциядә катнашучыларның гаиләләренә. Бер тапкыр бирелә торган субсидия бер йортка бер тапкыр бирелә.   Гаризаны даими яшәү урыны буенча теркәлгән торак бинаның хуҗасы бирә ала.          Документлар исемлеге: 2021 елның 21 апреленнән соң махсуслаштырылган оешма белән йорт хуҗалыгы участогы чикләре эчендә газ үткәрү буенча эшләр башкаруга подряд килешүе; йорт хуҗалыгы участогы чикләре эчендә газ үткәрү буенча башкарылган эшләр акты; паспорт күчермәләре кушымтасы белән башкарылган эшләр һәм сатып алынган йорт эчендәге газ җиһазлары өчен түләүне раслаучы документ; төзелеш тәмамланган газ бүлү системасы объектын кабул итү акты яки якларның мөлкәтен һәм эксплуатация җаваплылыгын чикләү турында мәгълүматны үз эченә алган тоташтыру (технологик тоташтыру) турында акт; Бердәм дәүләт күчемсез милек реестрында теркәлмәгән торак бинага хокук билгеләүче документ; ташламалы категориягә керүне раслаучы документлар (инвалидлардан, инвалид балалардан, күп балалы гаиләләрдән тыш); гариза бирүченең гаилә әгъзаларыннан аларның шәхси мәгълүматларын эшкәртүгә ризалык булуны һәм шәхси мәгълүматларны тапшырганда гариза бирүченең үз исеменнән эш итү вәкаләтен раслаучы документлар. Бер тапкыр бирелә торган субсидия гаилә керемнәрен исәпкә алып бирелә торган гариза бирүчеләр өстәмә рәвештә керемнәр турында документлар бирәләр. Субсидия билгеләү турында гаризаны гариза бирүченең яшәү урыны буенча республика матди ярдәм (компенсация түләүләре) үзәге бүлегенә бирергә кирәк. белешмәләр өчен телефон_______________________________ (РЦМП бүлекчәсе телефоны) электрон почта_________________________________ (РЦМП бүлекчәсенең электрон почтасы)