Татарстан Республикасында «Татарстанның чиста урманнары»республика табигать саклау акциясе старт алды.

  Татарстан Республикасында «Татарстанның чиста урманнары»республика табигать саклау акциясе старт алды. Традиция буенча, ул 2 этапта узачак: 22 апрельдән 22 июньгә кадәр һәм 9 сентябрьдән 9 ноябрьгә кадәр. Шунысын да билгеләп үтәргә кирәк, мондый чараларны үткәрү «Экология»милли проектын тормышка ашыруга ярдәм итә. ТР Урман хуҗалыгы министры Равил Кузюров сөйләвенчә, акциянең язгы этабы кысаларында урман фонды территориясен каты коммуналь калдыклардан, коры һәм валежниктан чистарту, аншлагларны, мәгълүмати щитларны һәм урманда ял итү урыннарын ремонтлау һәм төзекләндерү үткәреләчәк. "Барыбызны да акциягә кушылырга һәм экологияне яхшыртуга үз өлешеңне кертергә чакырабыз, – дип өстәде Равил Кузюров. - Үзәк чаралар 18 майда уздырылачак".