Ел саен апрельнең соңгы шимбәсендә дөньяның күп кенә илләрендә Халыкара ветеринария табибы көне билгеләп үтелә.

Быел һөнәри бәйрәм 27 апрельгә туры килде. Халыкара ветеринария табибы көне бөтендөнья ветеринария ассоциациясе (World Veterinary Association, WVA) тарафыннан 2000 елда бөтен дөнья буенча ветеринария табибларының эшен яктырту һәм хайваннарның сәламәтлеген һәм иминлеген яхшыртуга, шулай ук җәмәгать сәламәтлеген яхшыртуга керткән өлешләре турында хәбәрдарлыкны арттыру өчен булдырылган. "Кеше медицинасы кешене саклый, ә ветеринария медицинасы кешелекне саклый» – бу күренекле рус галиме, кыр ветеринария хирургиясенә нигез салучы Сергей Евсеенко сүзләре. Һөнәри бәйрәм белән ветеринария табиблары! Эш һәрвакыт күңелле булсын! Яңа казанышлар һәм ачышлар, уңышлар, иминлек һәм шәхси бәхет телибез! Сезгә һәм якыннарыгызга сәламәтлек!