Алкогольле продукцияне сату мәсьәләсе буенча эшлекле киңәшмә.

  20 майда «кече һәм урта эшкуарлык һәм шәхси эшкуарлык инициативасына ярдәм» милли проектын гамәлгә ашыру кысаларында Татарстан Республикасы Аксубай муниципаль районы Башкарма комитеты җитәкчесенең финанс һәм милек белән идарә итү буенча беренче урынбасары Илшат Моратшин рәислегендә Аксубай районында Этил спирты һәм алкоголь продукциясенең законсыз әйләнешен кисәтү һәм туктату буенча район комиссиясе әгъзаларының эшлекле киңәшмәсе узды районда. Этил спирты, алкогольле продукция җитештерү, әйләнеше һәм сыйфаты буенча дәүләт контролен тәэмин итү һәм кулланучылар хокукларын яклау буенча ТР дәүләт инспекциясенең әйдәп баручы белгеч-эксперты Ирина Ершова Аксубай районы территориясендә алкогольле продукция сату турында хәбәр итте. «Ак кремль» сыра заводы " ҖЧҖ сәүдә вәкиле Илнар Гыйләҗев белән берлектә Татарстан Республикасы җитештергән сыраны ваклап сатуга нәтиҗә ясадылар. Киңәшмә ахырында алкогольле продукциянең һәм спиртлы продукциянең легаль булмаган әйләнешен туктату, алкогольле агулануларны минимальләштерү, шул исәптән үлем белән тәмамлау буенча уртак эшне көчәйтү турында фикер алышу булды һәм карар кабул ителде.