Татарстанда «Ел экспортеры» конкурсының төбәк этабында катнашу өчен бизнестан гаризалар кабул итү дәвам итә.

  Татарстанда «Ел экспортеры»конкурсының төбәк этабында катнашу өчен бизнестан гаризалар кабул итү дәвам итә. 13 номинациядә иң яхшы предприятиеләр «кече һәм урта эшкуарлык»милли проекты кысаларында билгеләнәчәк.   Гаризалар 23 майга кадәр региональ Экспортка ярдәм итү үзәгендә кабул ителә. Җиңүчеләрне сайлаганда жюри экспорт күләме, халыкара базарларда компанияләрнең активлыгы һәм чит илләргә товарларны алга этәрү ысуллары кебек критерийларны анализлый. Конкурс Татарстан Республикасы эшкуарларының тышкы икътисадый эшчәнлеген стимуллаштыру һәм үстерү, шулай ук товарлар һәм хезмәтләр экспортының алдынгы тәҗрибәсе белән уртаклашу өчен үткәрелә. "Конкурсның 6 еллык тарихында республикада 246 предприятие катнашты. Региональ этап нәтиҗәләре буенча җиңүчеләр билгеләнәчәк, алар лауреат-компаниянең дәрәҗәле статусыннан тыш истәлекле бүләкләр алачак, шулай ук "Ел экспортеры» статусын үз продвижениесендә куллану мөмкинлеге алачак. Төп номинацияләрдә җиңүчеләр приз сыйфатында шәхси стендлы халыкара профильле күргәзмәдә катнашачак. Региональ конкурсның гаризалары автомат рәвештә Бөтенроссия Премиясендә катнашуга юнәлдереләчәк", - дип сөйләде Татарстан Республикасы Икътисад министрының беренче урынбасары Наталья Кондратова. Быел номинацияләр саны 7дән 13 номинациягә кадәр киңәйтелде, бу күбрәк предприятиеләрне дәртләндерергә мөмкинлек бирәчәк. Төбәкнең экспортка юнәлдерелгән компанияләре түбәндәге номинацияләрдә гариза бирә ала: Төп номинацияләр: Сәнәгать өлкәсендә иң яхшы экспортер; Хезмәтләр өлкәсендә иң яхшы экспортер; АГРОСӘНӘГАТЬ комплексы өлкәсендә иң яхшы экспортер; Югары технологияләр өлкәсендә иң яхшы экспортлаучы; Елның ачышы; Иң яхшы хатын-кыз экспортлаучы; Иң яхшы яшь экспорт эшкуары. Өстәмә номинацияләр: Иң экзотик экспорт иле; Экспортның иң зур географиясе; Иң яхшы гаилә экспорт компаниясе; Яңа экспорт продукты; Иң яхшы социаль эшкуарлык экспортеры; Иң яхшы иҗади индустрия экспортеры. Конкурста катнашу өчен гаризаны сайтта бирергә мөмкин http://exportergoda-rt.ru/. Шартлар буенча, конкурста 2023 елгы җиңүчеләр катнаша алмый. Бер компания бер генә төп номинациягә гариза бирә ала. Оештыручылар-Татарстан Республикасы Икътисад министрлыгы һәм «минем бизнес»үзәге.