Аксубай урманчылыгының Кармәт урманында тәртип урнаштырылган. «Татарстанның чиста урманнары» республика акциясе кысаларында Чебоксар участок урманчылыгы территориясен җыештыру буенча өмә узды.
Республика акциясе кысаларында Чебоксар участок урманчылыгы территориясен чистартуга Аксубай урманчылыгы, урман хуҗалыгы, Чебоксар участогы, Иске Кармәт авыл җирлеге, Иске Кармәт мәдәният йорты, авыл китапханәсе һәм Хәсән Туфанның йорт-музее хезмәткәрләре чыкты. Акциядә катнашучылар зур күләмдә эш башкардылар. Алар урман буйлап чүп-чар җыялар, сәяхәтчеләр, «табигать сөючеләр» калдырган бар нәрсәне җыялар, арбага төяп, полигонга җибәрәләр.
Урман эшчеләре шулай ук коры агачларны кисеп, җентекләп өемнәргә җәяләр.
– «Татарстанның чиста урманнары» табигатьне саклау акциясе 22 июньгә кадәр дәвам итәчәк,-диде Аксубай урманчылыгы җитәкчесе-урманчысы Андрей Ильмухин. - Анда барлык оешмалар, битараф булмаган гражданнар, чын табигать сөючеләр катнаша ала. Акциядә күбрәк кеше катнашкан саен, безнең урманнар да чистарак булачак. Катнашу турында тәкъдимнәр белән урманчылыкка мөрәҗәгать итәргә яки урман бүлегенә (8 843-44) 2-73-53 номеры буенча шалтыратырга мөмкин.