Аксубайлылар эшлекле активлыкны арттыру мәсьәләләре буенча зона семинар-киңәшмәсендә катнаштылар.

  Аксубай районы делегациясе Баулы районында узган авыл халкының эшлекле активлыгын арттыру мәсьәләләре буенча зона семинар-киңәшмәсендә катнашты. Аны Татарстан Республикасы Дәүләт Советы Рәисе Фәрит Мөхәммәтшин үткәрде. Семинарда Премьер-министр урынбасары – ТР авыл хуҗалыгы һәм азык-төлек министры Марат Җәббаров, ТР җирле үзидарә органнары ассоциациясе советы рәисе Экзам Гобәйдуллин, ТР Дәүләт Советы депутатлары, район һәм авыл җирлекләре башлыклары, Татарстанның көньяк-көнчыгышындагы 13 районнан шәхси ярдәмче хуҗалыклар һәм гаилә фермалары җитәкчеләре, профильле министрлыклар вәкилләре катнашты. Киңәшмәдә авыл халкының ашлык белән тәэмин итү, чимал сөткә һәм башка төр авыл хуҗалыгы продукциясенә бәяләрнең төшүе, авыл хуҗалыгы җирләре мәйданнарының һәм терлекләрнең баш санын киметү кебек проблемалары турында сүз барды.