Бүген үзәк мәйданда чуваш мәдәнияте бәйрәме - «УЯВ» узды.

Бәйрәмгә чуваш халкының мәдәнияте, гореф-гадәтләре, йолалары белән хозурлану өчен йөзләгән якташыбыз җыелды. Бәйрәм Аксубай районының дистәләгән фольклор коллективлары катнашында онытылмас, мавыктыргыч пролог белән ачылды һәм чуваш халкының дуслыгы, татулыгы, берләшүе һәм чәчәк атуы традицион зур, матур әйлән-бәйлән бәйрәме белән тәмамланды. Бәйрәмнең йөзләгән катнашучысы, хөрмәтле кунаклар белән бергә, кулга-кул тотышып, халык көе астына акрын гына атлап мәйдан буйлап узды.