Кызыл Тау авылы оешуга 95 ел тулуны билгеләп үттеләр.

Бәйрәмгә төрле буын кешеләре, районнан һәм республикадан читтә яшәүче авыл кешеләре җыелды. Ветераннарны, кунакларны һәм халыкны юбилее белән котларга район башлыгы Камил Гилманов килде. Гаилә, мәхәббәт һәм тугрылык көнен бәйрәм итү алдыннан ул Иске Кыязлы авыл җирлегенең гаилә тормышы юбилярларын бүләкләде. Бу юбилейны-95 еллыкны оештыручылар татар халкының гореф-гадәтләрен саклап, масштаблы, якты, онытылмаслык һәм кунакчыл итеп уздырырга тырыштылар.