Һөнәри юнәлеш бирү эше кысаларында « Мечта " приютында тәрбияләнүчеләр «Татавтодор»ААҖ оешмасында булдылар.

Аксубайның « Мечта » балалар һәм яшүсмерләр өчен социаль приюты хезмәткәрләре һөнәри юнәлеш бирү эшен дәвам итә. Шушы көннәрдә учреждение тәрбияләнүчеләре «Татавтодор»ААҖ предприятиесендә булдылар. Предприятиенең баш инженеры объектлар буенча танып белү экскурсиясе үткәрде, лаборатория хезмәткәрләре юл япмасына экспертиза үткәрү турында сөйләделәр.  Балалар компьютерның предприятиедәге барлык эшләрнең барышын күзәтеп торуын күрделәр. Экскурсиядән һәр укучының күзендә соклану булды. "Чара ахырында яшүсмерләрне шундый мөһим объектта эшләү өчен белгечлекне кайдан алырга мөмкин дигән сорау кызыксындырды", - дип сөйләде приют педагоглары.