Үзәк мәйданда Россия Хәрби-Диңгез флоты көненә багышланган чара узды.

  Тантана хәрби-диңгез флоты әләмен күтәрүдән һәм һәлак булган диңгезчеләр истәлегенә бер минут тынлыктан башланды. Морякларны район башлыгы Камил Гыйльманов котлады. Район җитәкчесе элекке диңгезчеләр Алмаз Бакировка, Василий Воронинга, Сергей Николаевка рәхмәт хатлары тапшырды. Котлауга Башкарма комитет җитәкчесе Станислав Зайцев та кушылды. Ул хәрби хезмәткә чакырылуга кадәрге яшьләрне тәрбияләүдә актив катнашканнары өчен флот ветераннары Сәмигулла Мостафинга, Евгений Новичковка Рәхмәт хатлары тапшырды. ТР Диңгез җыелышы исеменнән морякларны икенче ранг капитаны Рөстәм Кормашев котлады. Бүләкләү булды. Яшьләрне хәрби-патриотик тәрбияләүдә актив катнашулары һәм флот традицияләрен хуплаулары өчен Аркадий Сулбаев һәм Константин Ермишкин ТР Диңгез җыелышы грамотасына лаек булдылар. Геройлар МХО зонасында сугыша, бүләкне сугышчыларның якын туганнары алды. Моряковларны Диңгез җыелышының Аксубай филиалы рәисе Анатолий Скворцов сәламләде. Ул район башлыгы Камил Гыйльмановка, район башкарма комитеты җитәкчесе Станислав Зайцевка, волонтерлар Людмила Даниловага, Светлана Прончатовага, Валентина Маклакова Любовь Терентьевага хәрби часть командиры исеменнән Рәхмәт хаты тапшырды. Диңгез җыены ветераннарыннан элеккеге диңгезчеләр Афраиим Кузюров, Валерий Альметкин һәм СВО зонасында батырларча һәлак булган Радик Хисмәтуллин истәлегенә аларның якыннарына истәлекле бүләкләр тапшырдылар. Морякларны «Ватанга хезмәт итәм» ветераннар оешмасы чик сакчылары берлеге исеменнән Алексей Бобов, стратегик билгеләнештәге ракета гаскәрләре ветераннары исеменнән Павел Крюков котлады. Мәйданда җырлар, котлау сүзләре яңгырады. шатлык атмосферасы хөкем сөрде.