"Мечта" приютында тәрбияләнүчеләрнең терлекчелек фермасына экскурсиясе.

  Балачактан ук барысы да сөт тәме белән таныш, әмма бозауларны һәм сыерларны тоту һәм карау шартлары турында бик азлар гына белә. Балаларны терлекчелек фермасындагы йорт хайваннары тормышы белән таныштыру, фермада эшләүче кешеләрнең һөнәрләре турында сөйләү максатыннан, Аксубай районының «Мечта» балалар һәм яшүсмерләр өчен социаль приютында тәрбияләнүчеләр Яңа Ибрай авылының терлекчелек фермасына юл тоттылар. Балалар сөтчелек фермасында кешеләрнең хезмәтен күрделәр, төп хезмәт операцияләре, эштә кулланыла торган механизмнар белән таныштылар. Чын производствоны күрү, авыл хуҗалыгы хезмәте кешеләренең һөнәрләре белән танышу мөмкинлеге тууга балалар бик шат. Тирә-юньдә чисталык, барысы да төгәл эшләнгән. Терлек азыгы әзерләүгә аерым игътибар бирелә, чөнки сөтнең тәме дә, сыйфаты да дөрес туклануга бәйле. Терлек азыгы әзерләү бик күп көч таләп итә.   Балалар терлекләрнең сәламәтлеге өчен бик күп кешеләрнең: терлекче, сыер савучы, ветеринария табибы, ферма мөдире, зоотехник һәм башка эшчеләрнең хезмәте кирәклеген күрделәр.