Татарстанда сезонлы кыр эшләрен финанслау арттырылды.

2024 ел башыннан Россельхозбанк Татарстан Республикасы аграрийларына ярдәмгә 14,6 млрд сум җибәргән, шулардан 12,6 млрд сумы ташламалы шартларда бирелгән. Шул исәптән банк ярдәме белән агымдагы елда АПКда 5 инвестиция проектын финанслау башланды. Банк гадәттәгечә иң күп ярдәмне сезонлы кыр эшләренә җибәрә. Агымдагы елда бу максатларга Россельхозбанкның Татарстан төбәк филиалы 10,8 млрд сум акча җибәрде, бер елда финанслау күләмен 12% ка арттырды. Тулаем алганда, төбәк базарында сезонлы эшләрне ташламалы кыска сроклы кредитлау сегментында филиал өлеше 58% тәшкил итә, шул исәптән кече хуҗалыклар кредитлары буенча – 79%. Татарстан Республикасының кече хуҗалык формаларына агымдагы елда 1,6 млрд сумлык ярдәм күрсәтелде. "Агымдагы чынбарлык шартларында республиканың да, тулаем илнең дә азык-төлек иминлеген тәэмин итү мөһим. Россельхозбанк, агросәнәгать комплексында терәк банк буларак, әлеге мәсьәләне хәл итүгә юнәлдерелгән һәм авыл хуҗалыгы товар җитештерүчеләренә фермерлык эшенә өйрәтүдән башлап эре инвестиция проектларын гамәлгә ашыруга кадәр һәрьяклап ярдәм күрсәтә», – дип билгеләп үтте Россельхозбанкның Татарстан төбәк филиалы директоры Ләлә Кәдермәтова.