«Барысы да синең өчен»: Стас Михайлов хиты Россия буйлап сәяхәтләр рекламасының саундтрегы булды.

Ирекле кунакханәләр, тыныч пляжлар, фотолар өчен иң яхшы күренешләр, шәхси экскурсияләр һәм шәхси гид — болар барысы да сезон арасында ял иткәндә синең өчен генә. Сентябрьдә «Национальные приоритеты» АНО сезон араларында туристлык сәфәрләренең төп өстенлекләрен күрсәтүче реклама кампаниясен башлап җибәрде: эксклюзив, уңайлы һәм бай эчтәлекле ял, анда бернинди дә артык нәрсә юк һәм бары тик синең өчен генә. Кампаниянең бурычы - «Түбән сезон» да ял итү өстенлекләрен күрсәтү һәм россиялеләрнең игътибарын туристлык хезмәтләре базарында тәкъдим ителгән мөмкинлекләргә җәлеп итү. «Туризм һәм кунакчыллык индустриясе» милли проекты ярдәмендә үсеш алган Путешествуем.РФ сайтында сезоннар арасында сәяхәт маршрутлары махсус җыелган. Узган җәйдә Татарстанның туристлык үзәкләренә 4 млн кеше килгән. Бу хакта республиканың Туризм буенча дәүләт комитеты хәбәр итә. Гадәттәгечә иң күп кеше йөри торган объект Казан Кремле булды - анда 1,9 млн кеше теркәлгән. Шулай ук иң популяр 3 турүзәккә Зөя утрау-шәһәрчеге 738 мең кеше һәм Алабуга - 689 мең кеше кергән. Бөек Болгарда— 496 мең, Тәтештә 134 мең кеше булган. Шул ук вакытта чаралар нәтиҗәсендә Чистайга килүчеләр саны артты-42 мең.