Грипп нәрсә ул һәм аның куркынычы нинди?

Грипп-авыр катлауланулар мөмкинлеге булган югары йогышлы вируслы авыру. Грипп авыру кеше йөткергәндә, төчкергәндә яки сөйләшкәндә кешедән кешегә бик җиңел күчә. Авыру кеше, хәтта җиңелчә грипп формасы белән дә, симптомнар барлыкка килү чорында тирә-юньдәгеләр өчен куркыныч тудыра. Грипптан үзеңне ничек сакларга? Бөтендөнья сәламәтлек саклау оешмасы позициясе буенча, гриппка каршы иң нәтиҗәле чара булып вакцинация тора, чөнки нәкъ менә вакцина әлеге эпидемиологик сезонда иң актуаль булган һәм аның составына кергән грипп вирусларыннан саклауны тәэмин итә. Вакцинация халыкның барлык төркемнәренә дә тәкъдим ителә, ләкин аеруча 6 айдан башлап балаларга, хроник авырулардан интегүче кешеләргә, йөкле хатын — кызларга, шулай ук һөнәри хәвеф-хәтәр төркемнәрендәге затларга-медицина хезмәткәрләренә, укытучыларга, студентларга, хезмәт күрсәтү һәм транспорт өлкәсендә эшләүчеләргә күрсәтелә.   Вакцинация авырулар саны арта башлаганчы 2-3 атна алдан ясалырга тиеш, прививканы медицина учреждениесендә махсус өйрәтелгән медицина персоналы гына ясарга мөмкин, вакцинация алдыннан табибны карау мәҗбүри. Гриппка каршы вакцинациягә каршы күрсәтмәләр күп түгел. Гриппка каршы прививканы кискен бизгәк тотканда, хроник авырулар кискенләшкән вакытта, организмның күкәй аксымына сизгерлеге югары булганда (әгәр ул вакцина составына керсә) ясарга ярамый. Грипптан саклаучы ныклы иммунитет формалашып өлгерсен өчен, иммунизация өчен бер генә прививка да җитә.  Гадәттә иммунитет ике-өч атна эчендә формалаша. Вакцина сәламәтлеккә зыян китерә аламы? Күп кенә ата-аналар балаларга гриппка каршы прививка ясатудан баш тарта, вакцина сәламәтлеккә зыян китерергә мөмкин, һәм аннан файда юк, дип саный. Бу миф: чынлыкта прививка ясату куркыныч түгел һәм катлауланулар тудырмый, иң соңгы очракта 2-3 көннән соң уза торган укол урынында тиредә кызару яки бераз температура күтәрелү күренергә мөмкин. Хәтта бала кемнәндер грипп йоктырса да, авыру җиңел формада, катлаулануларсыз узачак. Ни өчен ел саен гриппка каршы прививка ясатырга кирәк? Кайберәүләр узган елгы вакцинация дәвам итә дип санап, прививкадан баш тарта. Чынлыкта исә ел саен 2 сәбәп буенча прививка ясатырга кирәк: - беренчедән, вакцина составы вирус штаммына карап үзгәрә; - икенчедән, гриппка каршы иммунитет берничә айдан бер елга кадәр әзерләнә. Ни өчен балаларга грипптан прививка ясату мөһим? Ел саен грипп белән авыруның иң күп очраклары балалар арасында теркәлә. Авыру балалар грипп вирусын олыларга караганда озаграк бүлеп чыгара. Грипп буенча хастаханәгә озатылучыларның 90% тан артыгы - балалар. Авыруның дәвамлылыгы балаларда олыларныкына караганда шактый озаграк. Грипп йоктыруның иң зур куркынычы балалар коллективларына (балалар бакчаларына, мәктәпләргә) йөрүче балаларда бар. Авыру балалар гаиләгә грипп вирусын» китерә", гаиләнең башка әгъзаларын йоктыра. Кечкенә яшьтәге балаларны (бигрәк тә вакцинация ярдәмендә яклау тәэмин ителми торган 6 айга кадәрге балаларны) яклау максатыннан, Бала белән тыгыз элемтәдә булган барлык затларга гриппка каршы прививка ясату максатка ярашлы. Прививка ясагыз-үзегезне һәм туганнарыгызны саклагыз!