Район мәдәният йортында " Логика кайда?»уены узды.

23 сентябрьдә район мәдәният йортында "Пушкин картасы" федераль программасын тормышка ашыру кысаларында " Логика кайда?" телевизион программа мотивлары буенча интеллектуаль уен узды.  Чара барышында катнашучылар командаларга бүленеп, үзара ярыштылар. Балалар видеода сурәтләнгән предметлар, күренешләр һәм персонажлар арасында эзлекле фикер йөртә һәм мантыйкый бәйләнешләр таба, катлаулы башваткычларны чишә белүләрен күрсәттеләр. Чарада күңелле һәм дусларча атмосфера хөкем сөрде, катнашучылар ялгыш җаваплар турында шаярттылар, үзләренең һәм хәтта көндәш командадагы егетләргә ярдәм иттеләр. Уенчыларга истәлеккә грамоталар һәм дипломнар тапшырылды.  Бәйрәм татлы сыйлар белән тату чәй эчү һәм "По щучьему велению"кинофильмын карау белән тәмамланды. Балалар бу чарадан бик канәгать калдылар һәм оештыручыларга кызыклы вакытлары өчен рәхмәт белдерделәр.