Район территориясендәге биотермик чокырларны һәм себер язвасы үләт базларын карап чыгу.

Ветеринария берләшмәсе башлыгы Рәис Хөснуллин, Алексеевск территориаль дәүләт күзәтчелеге һәм ветеринария иминлеге бүлеге консультанты Ога Алексеева , Россельхознадзорның Татарстан Республикасы идарәсе ветеринария инспекторы Эвелина Хәйруллина составындагы Комиссия район территориясендәге биотермик чокырларны һәм себер язвалы терлек каберлекләрен карап чыктылар. Бу объектларга ветеринария - санитария бәясе бирелде. Районда барлыгы 24 биотермик чокыр һәм 6 себер язвасы үләт базы бар. Тикшерү барышында ачыкланган хокук бозулар объектлар хуҗаларына җиткерелде һәм аларны бетерү сроклары билгеләнде.