Аксубай районында Татарстан Республикасы Яшьләр эшләре министры Ринат Наил улы Садыйков булды.

  ТР Яшьләр эшләре министры Ринат Садыйковның эш сәфәре кысаларында "беренчеләр хәрәкәте" һәм "Форпост" активистлары, спорт мәктәбе спортчылары һәм үз волонтерлары белән очрашу булды. Аксубай техникумында уку шартлары һәм уку йортының эше белән таныштылар. Директор Фәргать Әюпов уку кабинетлары һәм остаханәләре буйлап экскурсия үткәрде. Мәктәп һәм техникумда тәрбияләнүчеләр, активистлар белән аерым очрашу булды, анда яшьләрнең үз-үзләрен тормышка ашыру мөмкинлекләре турында фикер алыштылар. Актуаль темалар арасында яшьләр өчен инфраструктура, шул исәптән балалар, яшьләр өчен җәйге ял итү урыннары, яшьләр пространстволары, шулай ук урам велосипед юллары һәм скейтпарклар булдыру белән бәйле мәсьәләләр күтәрелде. Район яшьләре өчен патриотик тәрбия һәм торак программалары мәсьәләләре актуаль.