ТР ИҮА Kazan forum ярдәмендә компанияләргә чит ил базарына юл ача.

  Кичә ТР Инвестицион үсеш агентлыгы җитәкчесе Талия Миңнуллина форумда икенче тапкыр катнашырга карар кылган АБУКО ассоциациясе вәкилләре белән очрашты. Мәҗитов Васил Марат улы, "Софтплаза" компаниясе вәкиле: «2022 ел ахырына кадәр без Россия базарында эшләдек һәм үзебезгә халыкара дәрәҗәгә чыгу максатын куймадык, әмма узган ел үз көчебезне сынап карарга һәм эшләнмәләрне чит ил коллегаларына күрсәтергә булдык. Татарстанда ел саен Россия-Ислам дөньясы: Kazanforum форумы узу сәбәпле, анда актив катнашырга булдык. Безнең максат кадастр, пространство мәгълүматлары һәм цифрлаштыру өлкәсендә профильле дәүләт һәм хосусый оешмалар белән танышу һәм аралашу иде. Форумда 4 илдән профильле дәүләт оешмалары, шулай ук 8 илдән бизнес вәкилләре белән очрашуга ирешелде. Шулай ук безнең эшләнмәләрне тәкъдир итүгә һәм тәкъдимнәребезнең башка дәүләтләрдә ихлас кызыксыну уятуын аңлауга ирешелде. Очрашу нәтиҗәләре буенча ниятләр турындагы беркетмәгә һәм ике ил вәкилләре белән килешүгә имза салынды. Килешүләрне һәм алынган элемтәләрне үстереп, без җавап визиты белән югары дәрәҗәдәге очрашулар өчен җиде илдә булдык һәм тәҗрибә уртаклашуны дәвам иттек. Иң күп сәфәрләр Кыргызстан Республикасына булды. Анда без проектны тормышка ашыра алдык - Бишкек шәһәренең күчемсез милеген кадастр (массакүләм) бәяләү. Проект нәтиҗәләре җәмәгатьчелек һәм Кыргызстан Республикасы Хөкүмәте тарафыннан югары бәяләнде. Бүгенге көндә Халыкара эшчәнлекнең перспективалы булуын күрәбез, Kazanforum эшендә тагын да активрак катнашырга планлаштырабыз"»