Бүген Советның утырышлар залында Аксубай муниципаль районы Советының утыз беренче утырышы узды.

  Утырыш эшендә ТР Рәисе Администрациясе җитәкчесенең беренче урынбасары - ТР Рәисенең территорияләр белән эшләү идарәсе башлыгы Рамил Гарипов, Дәүләт Советы депутатлары Рәсим Баксиков һәм Камил Гыйльманов катнашты. Көн тәртибендә муниципаль район Башкарма комитеты җитәкчесен сайлау мәсьәләсе тора иде. Башкарма комитет җитәкчесе вазыйфасына игълан ителгән конкурска ике кандидат – Аксубай муниципаль районы Башкарма комитеты җитәкчесе вазыйфаларын башкаручы Алмаз Мингулов һәм Иске Илдерәк авыл җирлеге башлыгы Сергей Маклаков гариза бирде. Кандидатларның һәркайсы әлеге вазыйфада эшләүнең үз стратегиясен тәкъдим итте. – Башкарма комитет җитәкчесе вазыйфасында төп бурыч итеп районда бирелгән темпны саклауны саныйм, - диде Алмаз Мингулов. - Минем өчен Аксубай районы туган район гына түгел, ә туган якның алга таба зуррак һәм җитди үсүе өчен җаваплылык та. Шулай ук өстенлекле бурычлар арасында ул районга өстәмә инвестицияләр җәлеп итүне, шул исәптән федераль, республика грантлары һәм башка программалар хисабына, бюджет объектларының матди-техник базасын камилләштерүне, шул исәптән авылларда да, яңа җитештерү, авыл хуҗалыгы һәм социаль объектлар төзү буенча инвесторлар белән эшне активлаштыруны, сәнәгать мәйданчыкларын үстерүне, резидентлар санын һәм инвестицияләр күләмен арттыруны, алга таба районда уртача айлык хезмәт хакын арттыру, авыл хуҗалыгын алып баруның заманча формаларын актив кертү, хуҗалык итүнең кече формаларын үстерү. Агротуризмны үстерү, яшьләр сәясәтендә инфраструктура булдыру һәм районда тормыш сыйфатын яхшырту мөмкинлекләре турында сөйләде. Сергей Маклаков районның иң эре авыл җирлекләренең берсен җитәкли. Ул җирлекнең ничек үсүе, төрле дәрәҗәдәге программаларның гамәлгә ашырылуы һәм грант ярдәме турында сөйләде. Ул районда демографик вәзгыятьнең катлаулы булуын һәм муниципаль берәмлек территориясенең алга таба үсешен яңа производстволар ачуда һәм яшьләр өчен эш урыннарын арттыруда күрүен ассызыклады. Татарстан Республикасы Рәисенең территорияләр белән эшләү идарәсе башлыгы Илнур Гарипов Аксубай муниципаль районының төп һәм әһәмиятле казанышларын билгеләп үтте, Алмаз Мингуловның элеккеге эшчәнлегенә бәя бирде, республика җитәкчелеге исеменнән Аксубай муниципаль районы Башкарма комитеты җитәкчесе вазифасына кандидатурасын хуплавын сорады. Иске Татар Адам авыл җирлеге башлыгы Энҗе Хөснуллина да кандидатны хупларга өндәде. Алмаз Мингулов депутатлар тарафыннан Аксубай муниципаль районы Башкарма комитеты җитәкчесе вазыйфасына бертавыштан сайланды.