Аксубай районында "конструктив диалог" проекты.

  Бүген «конструктив диалог» проекты кысаларында районга Татарстан Республикасы Террорчылыкка каршы комиссия аппараты җитәкчесе ярдәмчеләре килде. Лекцияләр Аксубай мәктәпләренең ике мәйданчыгында үтте, аларда 200дән артык укучы катнашты. "Конструктив диалог" - ул куркынычсызлык өлкәсендә компетенцияләр һәм белемнәр формалаштыруга һәм үстерүгә, укучыларның һәм студентларның психологик сәламәтлегенә ярдәм итүгә, яшьләр арасында экстремизмны һәм террорчылык идеологиясен профилактикалауга юнәлдерелгән үстерү чаралары. Проектта төрле темалар күтәрелә: цифрлы гигиена һәм интернетта куркынычсызлыкны саклау, яшьләрне деструктив бергәлекләргә җәлеп итүне кисәтү, авыр тормыш хәлендә кешегә ярдәм итү, яллаучыларның хәйләләрен тану, буллинг белән ничек көрәшергә һәм кемгә ярдәм сорап мөрәҗәгать итәргә һәм башка бик күп темалар. Проектта иң актив катнашучыларга спикерлар истәлекле бүләкләр бүләк иттеләр. Проект ТР Иҗади яшьләр академиясе Яшьләр министрлыгы һәм мәгариф министрлыгы белән берлектә ТРда Террорчылыкка каршы комиссия аппараты һәм «Татнефть»хәйрия фонды ярдәмендә тормышка ашырыла.