Мини-футбол буенча ТР финал беренчелеге.

  Аксубай районы спорт мәктәбенең яшь футболчылары, тренер Лодоркин Александр Владимирович Бөгелмә шәһәрендә узган мини-футбол буенча Татарстан Республикасы финал беренчелегендә бик яхшы уен күрсәттеләр! Ярышларда 12 команда катнашты. 2013-2014 елгы яшь спортчылар өч көн осталык, җиңүгә омтылыш һәм команда рухы күрсәттеләр. Аксубай футболчылары кырда лаеклы көндәшләре белән очраштылар һәм югары дәрәҗәдәге уен күрсәттеләр. Нәтиҗәдә безнең футболчылар кече беренчелек Кубогының икенче урынын алдылар! Укучыларга һәм тренерларга алга таба уңышлар, яңа җиңүләр һәм спорт ареналарында якты мизгелләр телибез.