10 нчы сыйныф егетләре белән уку җыеннары.

  Безнең район мәктәпләренең 10 нчы сыйныф укучылары Чистай шәһәрендә «Ватан «хәрби-патриотик эш һәм хәрби хезмәткә чакырылуга кадәрге яшьләрне әзерләү үзәге» МБУ базасында 5 көнлек уку җыеннары узды. Чарада барлыгы 40 укучы катнашты. Җыеннарда шулай ук 2 ОБЗР укытучысы да катнашты. Болар-Макаров Юрий Никитович һәм Җамалеев Марсель Минзаһитович. Җыен вакытында балалар тәҗрибәле инструкторлар җитәкчелегендә башлангыч хәрби әзерлеккә өйрәнделәр, гомумхәрби устав, строй әзерлеге, тактик әзерлек, ут әзерлеге, хәрби-медицина әзерлеге, массакүләм зарарлану коралыннан саклану буенча белем алдылар. Егетләр бик канәгать калдылар, чөнки бу биш көн эчендә алар казарма тормышына чумдылар, армия көнкүрешен тулысынча тойдылар. Җыеннарны уңышлы узуга һәм күзәтү курсын үзләштерүгә үзәкнең яхшы матди-техник базасы һәм квалификацияле персоналы ярдәм итте.