Аксубай районы мәчетендә район Башкарма комитеты җитәкчесе Алмаз Мингулов Украинадагы махсус операциядә батырларча һәлак булган сугышчыларның аналары белән очрашты.

  Очрашу "Ватанны саклаучылар" фондының социаль координаторы Татьяна Крайнова ярдәмендә узды. Чара Равил хәзрәт Зөферовның фатихасы белән башланып китте. Ул Коръән аятьләрен укыган һәм Исламның рухи кыйммәтләре турында вәгазьләгән. Яраткан улларын югалту ачысын татыган аналарга сабырлык теләде һәм һәрвакыт дога кылырга өндәде. - Хөрмәтле әниләр, кайгыгызны бернинди юату сүзләре белән дә җиңеләйтеп булмый, Ходай сезгә сабырлык бирсен, – диде Алмаз Миңгулов.  Сез чын ватанпәрвәрләр тәрбияләдегез, аларның тиңдәшсез батырлыкларын без беркайчан да онытмаячакбыз. Бүген алгы сызыкта булган якташларыбыз исән-имин әйләнеп кайтсыннар. Безнең көннәр тыныч булсын! Сезгә кулдан килгәнчә ярдәм итәргә тырышырбыз. Ул үз чыгышында район халкына гуманитар йөк җыюда ярдәм иткәннәре өчен рәхмәт белдерде. Ул шулай ук алгы сызыкта дошманга каршы көрәшүче сугышчылар булган 25 нче гуманитар кәрванны китерүдә катнашканын билгеләп үтте. Нинди дә булса авыр сораулар туса, "Ватанны саклаучылар"фондының район бүлекчәсенә мөрәҗәгать итәргә мөмкин, дип ассызыклады ул. Чыганак: https://aksubayevo.ru/news/news/v-aksubaeve-mamy-pogibsix-voinov-geroev-vstretilis-v-meceti