Футбол фронтыннан яңалыклар: мини-футбол буенча республика беренчелеге тәмамланды!
"Юность" универсаль спорт залында узган мини-футбол буенча республика беренчелеге финалында 2015 елда туган һәм аннан кечерәк спортчылар катнашты.
Кызганычка каршы, Нурлат командасы белән уен безнең файдага тәмамланмады — 4:2 исәбе белән көндәшләр файдасына. Әмма Балтач районы белән узган чираттагы матчта безнең егетләр җыелып, 2:0 исәбе белән җиңү яуладылар.💪
Икенче уен көнендә безнең егетләр Казан (счет 3:1) һәм Әлмәт (счет 5:0) белән матчларда җиңү яулый алмады.
Әмма шатлыклы мизгел дә булды: Васильево (Яшел Үзән районы) командасы белән очрашу безнең файдага тәмамланды — 4:1! 👍
Ә бүген «Аксу» командасы Менделеевск (счет 1:4) һәм Бөгелмә (счет 0:3) егетләре белән уйнады.
Аксубай футболчылары 2015 елда туган һәм аннан яшьрәк яшүсмерләр арасында мини-футбол буенча Татарстан Республикасы беренчелеге финалында ("Б"дивизионы) мактаулы 4 урынны алдылар.
Кадерле футболчылар! Шуны истә тотарга кирәк: спорт-җиңү генә түгел, җиңелү дә ул. Алар безне көчлерәк итә һәм һәр җиңүне тагын да күбрәк бәяләргә өйрәтә.
Күнегүләр ясауны, үз күнекмәләрегез өстендә эшләүне һәм бер-берегезгә ярдәм итүне дәвам итегез.
Онытмагыз, уңышсызлыклар-уңышка юлдагы вакытлы кыенлыклар гына. Алда сезне тагын бик күп җиңүләр көтә, һәм без сезнең аларга лаек булуыгызга ышанабыз.