Түбән Баланда авылы янындагы чатта бүген махсус хәрби операциядә катнашучы, Батырлык ордены кавалеры Денис Воронин истәлегенә билборд ачылды.

  Ачылу тантанасына бөтен авыл – дуслар, сыйныфташлар, туганнар, башлангыч мәктәп укучылары, шулай ук «Ватанга хезмәт итәм» ветераннар иҗтимагый оешмасы вәкилләре, волонтерлык хәрәкәте активистлары җыелган иде. Тантаналы митингны район мәдәният йорты директоры Ольга Копанева ачып җибәрде. Ул авылдашының нинди булуы, аның батырлыгы, иң яхшы кешелек сыйфатлары турында сөйләде. Ачылу тантанасында Аксубай районы благочинны протоиерее Александр Качаев чыгыш ясады. - Ватаныбыздан фашистларны куып чыгарган аталарның батырлыгын бүгенге сугышчылар кабатлый, - диде рухани. - Алар кешелексез кыенлыклар кичерә. Аларның батырлыгы һәм корбаннары юкка түгел. Безгә бу вакыйгаларны истә тотарга, җиребездә тынычлыкны сакларга кирәк. Без ышанычыбызны, гореф-гадәтләребезне сакларга, геройларның хәтерен кадерләргә тиеш. Александр Качаев догалар укыды, герой сурәте төшерелгән билбордны изгеләндерү йоласын үткәрде. Район Башкарма комитеты җитәкчесе урынбасары Сергей Александров МХО уздыру зонасында сугышчыларыбызның батырлыгы һәм аларның истәлеген мәңгеләштерү турында сөйләде. Денис Воронинны Кәкре Күл авыл җирлеге башлыгы Сергей Елисеев, «Ватанга хезмәт итәм» иҗтимагый оешмасы вәкиле Алексей Бобов, Кәкре Күл мәктәбе директоры Наталия Купцова һәм Түбән Баланда мәктәбе директоры Ольга Копонева яхшы сүзләр белән искә алдылар. Чыгыш ясаучылар аның батырлыгын һәм Ватанга тугрылыгын билгеләп үттеләр. Улын тәрбияләгән өчен һәлак булган геройның әти – әнисе-Татьяна Николаевна һәм Геннадий Григорьевичка рәхмәт сүзләре яңгырады. Чарада катнашучылар Денис Воронин сурәте төшерелгән билбордка чәчәкләр салдылар. Чыганак: https://aksubayevo.ru/news/svoix-ne-brosaem/v-aksubaevskom-raione-ustanovili-shhit-s-izobrazeniem-pogibsego-geroia-svo