Башкарма комитет җитәкчесе Алмаз Мингулов халык белән шәхси  кабул итү уздырды.

  Гемодиализга бару мәсьәләсе буенча Аксубай шәһәр тибындагы поселогында яшәүче хатын-кыз мөрәҗәгать итте. Очрашуда Татарстан Республикасында Кеше хокуклары буенча вәкаләтле вәкилнең җәмәгать ярдәмчесе һәм гражданнарны кабул итү комиссиясе әгъзалары катнашты. Барлык кирәкле мәгълүмат медицина оешмасының баш табибына тапшырылды, мәсьәлә контрольгә алынды. Түбәндәге мөрәҗәгатьләр юл төзүгә һәм плотинаны ремонтлауга кагылды. Мөрәҗәгать итүчеләргә аңлатмалар бирелде. Исегезгә төшерәбез, гражданнарны кабул итү һәр сишәмбе көнне 08:00 сәгатьтән 12:00 сәгатькә кадәр түбәндәге адрес буенча уза: Аксубай ш., Ленин ур., 8Б. Аксубайлылар кабул итүгә 8(84344)2-85-04 телефоны буенча язылырга мөмкин.