Аксубай имамнары мөхтәсибәт эшчәнлеге мәсьәләләре буенча фикер алыштылар.

  Район Советының утырышлар залында имамнар район Башкарма комитеты җитәкчесе Алмаз Мингулов белән очраштылар. Утырыш ТР Рәисе департаментының дини берләшмәләр белән хезмәттәшлек итү идарәсенең Эчке сәясәт мәсьәләләре буенча баш киңәшчесе Рәмис Хисмәтуллин катнашында узды. Утырыш эшен ТР мөфтиенең мөхтәсибәтләр белән эшләү буенча урынбасары, Көньяк төбәкнең Аксубай районы имам-мөхтәсибе Равил хәзрәт Зөфәров алып барды. Катнашучылар мөхтәсибәт эшчәнлеге буенча мөһим мәсьәләләр турында фикер алыштылар. Иң мөһиме-район территориясендә экстремизмга юл куймау, яшьләргә әхлакый-рухи тәрбия бирү. Утырышта карашлары чын мөселман дине белән туры килмәгән читтән килүчеләргә карата уяу булырга кирәк, дип билгеләп үттеләр. Утырышта катнашучылар Татарстан Республикасы мөселманнары Диния нәзарәте мөфтие һәм казыйны (шәригать судьясы) сайлау буенча IX Али корылтай (имамнар җыелышы) делегатларын билгеләделәр. Имамнарга НКОның грант конкурсларында катнашуы турында мәгълүмат җиткерделәр. Катнашучылар эш тәҗрибәсе белән уртаклаштылар, көндәлек эштә очраша торган актуаль проблемаларны һәм сорауларны җиткерделәр. Күтәрелгән мәсьәләләр буенча уртак эшчәнлек юнәлешләрен билгеләделәр һәм проблемалы ситуацияләрне хәл итү юлларын билгеләделәр. Иң актив дин әһелләре бүләкләргә лаек булдылар. Чыганак: https://aksubayevo.ru/news/news/aksubaevskie-imamy-obsudili-voprosy-deiatelnosti-muxtasibata