Бүген районның төп мәйданында стратегик билгеләнештәге ракета гаскәрләре көненә багышланган тантаналы чара узды.

  Бирегә төрле елларда ракета гаскәрләрендә хезмәт иткән һәм район патриотик чараларында актив катнашкан кешеләр җыелган. Тантанада катнашучыларны район Башкарма комитеты җитәкчесе Алмаз Мингулов котлады. Ул ассызыклаганча, РВСН – Россия Федерациясе Кораллы көчләре гаскәрләре төре, ул илнең оборона сәләтенең мөһим компоненты булып тора. Котлауларга РФ Оборона министрлыгының Үзәк хәрби округы инспекторы генерал-майор Анатолий Молоствов, «Ватанга хезмәт итәм» ветераннар иҗтимагый оешмасының чик сакчылары берлеге җитәкчесе Алексей бобов та кушылды. Алар иң изге теләкләрен җиткерделәр. Волонтер Александр Убейкин Донбасска гуманитар йөк белән баруы турында сөйләде һәм ракетачыларга безнең сугышчылардан зур сәлам тапшырды. Безнең янда инде юк булган ракетачыларны бер минут тынлык белән искә алдылар. Тантаналы митингта катнашучылар ракета гаскәрләре обелискына венок һәм чәчәкләр салдылар.