Мәдәният хезмәткәрләренең йомгаклау киңәшмәсе.

  17 декабрьдә район мәдәният йортында авыл мәдәният йортлары һәм клублары хезмәткәрләренең йомгаклау киңәшмәсе булды. Киңәшмәдә авыл мәдәният йортларының 2024 елгы эшенә йомгаклар ясалды һәм киләсе 2025 елга бурычлар билгеләнде. Мәдәният хезмәткәрләрен ТР Аксубай МР Советының "Мәрхәмәт-Шәфкать" хатын-кыз депутатлар берләшмәсе җитәкчесе, "ЦКС" МБУК директоры Ольга Копанева сәламләде. Ольга Владимировна барысын да эш нәтиҗәләре һәм узган елгы рейтинг белән таныштырды. Рейтинг йомгаклары буенча төп эш күрсәткечләре буенча иң яхшы авыл мәдәният йортлары дип ун авыл мәдәният йорты танылды: Трудолюбово, Иске Савруш, Иске Тимошкино, Иске Илдерәк, Шәрбән, Мюд , Иске Чуваш Адамсу аыллары. Рейтингта Савгачев, Иске Үзи һәм Иске Ибрай авыл мәдәният йортлары лидер булдылар. Барысы да грамоталар белән бүләкләнде. Беловка һәм Урмандеево авыл мәдәният йортлары белгечләре намуслы хезмәтләре, чуаш милли традицияләрен саклап калулары, гастроль эшчәнлеген популярлаштырулары, мәдәниятне үстерүгә керткән өлешләре өчен грамоталар белән бүләкләнделәр. Без барлык мәдәният хезмәткәрләренә йомгаклау елында башкарган эшләре, сезнең энтузиазм, энергия һәм уртак эшебезгә булган мәхәббәтегез өчен рәхмәт белдерәбез. 2025 ел да Мәдәният өчен уңышлы, якты вакыйгаларга бай, яңа иҗади проектларны гамәлгә ашыруда уңышлы булуын телибез.