Карасу һәм Емелькино авыл җирлекләре башлыкларына яңа автомобильләр тапшырылды.

  «ТР Муниципаль берәмлекләре советы» ассоциациясенең «Корстон» КСККда узган XIX съездында республика муниципалитетлары арасында республика смотр-конкурсында җиңүчеләргә автомобиль ачкычлары тапшырдылар. Республиканың 43 муниципаль берәмлегеннән һәм 2 шәһәр округыннан авыл җирлекләре башлыкларына Lada Niva маркалы автомобильләр бирелде. Аларның икесе Аксубай районына юл тотты. Районыбызның Карасу һәм Емелькино авыл җирлекләре башлыкларына яңа хезмәт автомобильләре ачкычлары тапшырылды.