ТР Дәүләт Советы депутаты Фоат Вәлиев социаль хезмәтләр алучыларга Яңа ел бүләкләре җибәрде.

  Аксубайның «Мечта» приютында балалар һәм яшүсмерләр өчен яңа ел бәйрәме узды. Балаларны Яңа ел белән котларга район Башкарма комитеты җитәкчесе Алмаз Мингулов һәм ТР Дәүләт Советы депутаты ярдәмчесе Алсу Мәхмүтова килде. – Яңа ел – чынга аша торган хыяллар чоры, - дип сөйләде Алмаз Мингулов. – «Алексеевскдорстрой» ААҖ Директорлар советы рәисе, ТР Дәүләт Советы депутаты Фоат Вәлиев сезгә яңа ел бүләкләре җибәрде. Бу җыелмалар сезгә каникулларны бик яхшы үткәрергә мөмкинлек бирер, ә тәм-томнар кәефегезне күтәрер. Приютта тәрбияләнүчеләрне якынлашып килүче Яңа ел белән депутат Фоат Вәлиевнең ярдәмчесе Алсу Мәхмүтова котлады һәм аларга иң изге теләкләр теләде. Шулай ук Татарстан Республикасы буенча Росреестр Идарәсенең Аксубай бүлеге башлыгы Лилия Сәхабетдинова һәм авыллар арасында китапханә системасы директоры Ирина Телешева да җылы котлаулар әйттеләр. Социаль приют директоры Любовь Старшинина Рәхмәт хатлары тапшырды. Мәдәни программа күп көлү һәм шатлык тудырды: балалар озын буйлы курчаклар һәм әкият персонажлары белән җырладылар, биеделәр һәм күңел ачтылар. «Федоровский дом-интернат для картелых»ГАУСО социаль хезмәт алучылары янына да бардылар. Укучылар өчен Кыш Бабай һәм Кар кызы котлаулары, матур шигырьләр һәм концерт номерлары белән бәйрәм әзерләнгән иде. Биредә яшәүчеләрнең барысы да ТР Дәүләт Советы депутаты Фоат Вәлиев исеменнән бүләкләр алдылар һәм канәгать калдылар.