Салымнар буенча бурычның булуын салым түләүченең шәхси кабинеты ярдәмендә тикшерегез.

  Салымнар буенча бурычның булуын салым түләүченең шәхси кабинеты ярдәмендә тикшерегез. Россия Федераль салым хезмәтенең Татарстан Республикасы буенча идарәсе 2023 ел өчен белдерүләрдә күрсәтелгән мөлкәткә, җиргә, транспортка һәм НДФЛга салым түләү срогының 2 декабрьдә тәмамлануын искә төшерә. Исегезгә төшерәбез, вакытында түләнмәгән салымнар Россия Федерациясе Үзәк банкының төп ставкасының 1/300 күләмендә пеня исәпләнү аркасында 3 декабрьдән башлап көн саен үсә торган бурычны барлыкка китерә. Димәк, бурычлыларга төп бурычны гына түгел, пеняларны да түләргә туры киләчәк. Шуны белү мөһим, бурычны түләмәгән очракта, бурычлыларга карата салым органы түләтү процедурасын башлый. Башта гражданнарга бурычларны билгеләнгән срок белән түләү турында таләп җибәреләчәк, шул вакыт эчендә салымнарны түләргә кирәк булачак. Шул ук вакытта таләптә күрсәтелгән бурычны түләү срогы пеняның көндәлек исәп-хисабын туктатмый. Законнардагы үзгәрешләрне исәпкә алып, хәзер салым органы бурыч тулысынча түләнгәнче түләү турында бер генә таләп җибәрә. Салымнар буенча бурычларны тикшерү салым түләүченең шәхси кабинеты ярдәмендә мөмкин. Тулырак видеороликта. https://vk.com/video-217989421_456239155?list=f1739be20e0f1ea389