Чәчү өчен яңа кредитларны субсидияләү турында.

Чәчү өчен яңа кредитларны субсидияләү турында. Төп ставканың югары булуына (21%) карамастан, аграрийлар өчен ташламалы кредитлау механизмы гамәлдә, дип белдерде вице-премьер Дмитрий Патрушев.      2024 елда аңа 330 млрд сумнан артык акча юнәлдерелгән һәм 2025 елда бу күләмне саклап калу планлаштырыла. Хөкүмәт рәисе Михаил Мишустин 2025 ел башында чәчү өчен яңа кредитларны субсидияләүгә юнәлдереләчәк 28 млрд сумнан артык акча бүлеп бирүне килештерде.     "Төп сорау - киләсе сезонга-беренче чиратта 2025 елгы чәчүгә әзерлек. Авыл хуҗалыгы министрлыгы тарафыннан чәчүлек мәйданнары структурасы алдан төзелгән. Шул исәптән яңа уңыш өчен 20 млн га чамасы көзге культуралар чәчелгән инде",-дип билгеләп үтте вице-премьер, үзебезнең орлыкларга өстенлек бирү мөһим, дип өстәде.    Инвестиция проектларын кредитлауга килгәндә, монда механизм төзәтеләчәк. Аерым алганда, инвесткредитлауга дуңгызчылык өстәлә. Ә сөт терлекчелеге өчен өстенлек арта-димәк, бу юнәлештәге проектлар өчен кредит ставкасы түбән булачак