Советның утырышлар залында Аксубай муниципаль районы Советының чираттан тыш утырышы узды.

  Советның утырышлар залында Татарстан Республикасы Дәүләт Советы депутаты, Россия Герое Рәсим Баксиков, район Башкарма комитеты җитәкчесе Алмаз Мингулов, район Советы депутатлары, авыл җирлекләре башлыклары, район хезмәтләре һәм оешмалары җитәкчеләре катнашында район башлыгы вазыйфаларын вакытлыча башкаручы Илшат Заһидуллин рәислегендә Аксубай муниципаль районы Советының чираттан тыш утырышы узды. Көн тәртибенә түбәндәге сораулар кертелде: 1.Татарстан Республикасы Аксубай муниципаль районы Советының «2024 елга, 2025 һәм 2026 елларның план чорына Татарстан Республикасы Аксубай муниципаль районы бюджеты турында»2023 елның 14 декабрендәге 181 номерлы карарына үзгәрешләр кертү хакында. 2. Татарстан Республикасы «Аксубай муниципаль районы» муниципаль берәмлеге Уставына үзгәрешләр һәм өстәмәләр кертү турында. 3. Татарстан Республикасы Аксубай муниципаль районы Советының «Татарстан Республикасы Аксубай муниципаль районында муниципаль хезмәт турында яңа редакциядәге нигезләмә турында»24.08.2018 ел, № 158 карарына үзгәрешләр кертү хакында. 4. Татарстан Республикасы Аксубай муниципаль районы Советының «Татарстан Республикасы Аксубай муниципаль районы Советы структурасын раслау турында»24.05.2022 ел, № 118 карарына үзгәрешләр кертү хакында. 5. Татарстан Республикасы Аксубай муниципаль районы Советының «Аксубай муниципаль районы Башкарма комитеты Аппаратының яңа редакциядәге структурасы турында»28.06.2012 ел, № 108 карарына үзгәрешләр кертү хакында. Утырышта катнашучылар күтәрелгән мәсьәләләр буенча тиешле карарлар кабул иттеләр. Советның чираттан тыш утырышын тәмамлап, Башкарма комитет җитәкчесе Алмаз Мингулов барысын да якынлашып килүче Яңа ел белән котлады, нәтиҗәле хезмәтләре һәм авыр тормыш хәлендә калган гаиләләргә, МХОда катнашучыларның балаларына күрсәткән игътибарлары һәм сугышчыларга гуманитар ярдәм күрсәтүгә керткән өлешләре өчен рәхмәт белдерде. Утырышта катнашучыларга Рәсим Баксиков мөрәҗәгать итте. Дәүләт Советы депутатлар корпусы исеменнән ул барысын да якынлашып килүче Яңа ел белән котлады, бәйрәмнең һәркемгә бәйле булуын ассызыклады. Ул аны тыйнак кына билгеләп үтүне өстен күрә, чөнки сугыш вакытында бәйрәм итү урынсыз. Балаларга күңелле ял һәм яхшы каникуллар теләде. Депутат җыелганнарга МХОдагы якташларына гуманитар ярдәм оештырулары һәм районның чәчәк атуы хакына хезмәтләре өчен рәхмәт белдерде.