Районның чираттан тыш сессиясендә бүләкләү тантанасы булды.

  Район Башкарма комитеты җитәкчесе Алмаз Мингулов «үзебезнекеләрне ташламыйбыз» волонтерлар төркеменә МХОда катнашучы хәрбиләребезгә гуманитар ярдәм күрсәткәннәре өчен Львовның Ленин, Кызыл Байрак орденлы, Суворов, Кутузов һәм Богдан Хмельников орденлы алтынчы гвардия танк полкы командирының Рәхмәт грамоталарын тапшырды.⁣ РФ Дәүләт Думасы депутаты Олег Морозовтан аның ярдәмчесе Рифат Хәбибуллин волонтерларга тегү машинасы һәм оверлок тапшырды. Волонтерлар Олег Морозовка мондый бүләк өчен рәхмәт белдерделәр. Бу машиналар ярдәмендә хәзер җылы кием, йокы капчыклары, палаткалар — алгы сызыкта кирәк булган бөтен нәрсәне тегү эшен киңәйтергә мөмкин булачак. Россия Федерациясе Дәүләт Думасы депутаты Олег Викторовичка сугышчыларыбызның игътибары һәм ярдәмнәре өчен районда яшәүчеләрнең барысыннан да ихлас рәхмәтебезне белдерәбез. Күпьеллык намуслы хезмәте өчен Татарстан Республикасы Хисап палатасы Рәисенең Рәхмәт хаты белән район Контроль-хисап палатасы рәисе Габделәхәт Салихов бүләкләнде. «Спорт мәктәбе» муниципаль бюджет мәктәпкәчә белем бирү учреждениесе Тренер-укытучысы Александр Лодоркинга футбол үсешенә зур өлеш керткәне өчен Россия Федерациясе Федераль Собраниесе Дәүләт Думасы депутатының Рәхмәт хаты тапшырылды. Муниципаль хезмәткәрләр Спартакиадасы исәбенә шахмат буенча ярышларда 2 урынны алган өчен Татарстан Республикасы спорт министрлыгы Дипломы һәм медальләр белән район командасы бүләкләнде. Банк системасындагы нәтиҗәле хезмәтләре өчен район Башкарма комитеты җитәкчесенең Рәхмәт хатлары белән Ак Барс банкы хезмәткәрләре бүләкләнде.