Аксубайлылар Яңа ел хисләре һәм котлаулары белән Үзәк мәйдандагы төп чыршы янында очраштылар.

  Якынлашып килүче Яңа ел һәм бәхет, сәламәтлек, иминлек, тыныч күк йөзе теләкләре белән барлык катнашучыларны район Башкарма комитеты җитәкчесе Алмаз Мингулов һәм Татарстан Республикасы Дәүләт Советы депутаты Камил Гыйльманов котлады. Яңа 2025 ел алдыннан Кыш Бабай һәм Кар кызы, район мәдәният йортының иҗат коллективлары катнашындагы концерт программасы барлык халыкның күңелен күтәрде. Бәйрәм чарасы азагында үз территорияләрен кар һәм боз фигуралары белән иң яхшы Яңа ел бизәлеше конкурсында җиңүчеләрне бүләкләделәр.