Иске Кыязлы авыл җирлеге хуҗалыкларын карау.

  Район Башкарма комитеты җитәкчесе Алмаз Мингулов авыл хуҗалыгы идарәсе җитәкчесе Борис Соломонов белән берлектә Иске Кыязлы авыл җирлеге хуҗалыкларын карап чыктылар. Эш визиты барышында Н.Г. Мөхәммәтов, А.В. Шакирова, Шакиров (бакча) шәхси ярдәмче хуҗалыгы, «Аксубай» АХҖК (К. Тау) һәм Ф. В. Яруллин КФХларында булдылар. Эре мөгезле терлекләрне һәм савым сыерларын тоту һәм ашату шартлары белән таныштылар, хуҗалыкларны үстерү планнары һәм перспективалары турында фикер алыштылар. Шулай ук "Аксубай" кооперативында булдылар, ул пилмән, мантый, голубцы, тутырма кебек ит ярымфабрикатлары җитештерү белән шөгыльләнә.