Татар Сөнчәле авылыннан тыл хезмәтчәне Мингаян Мингать кызы Мингатина 95 яшьлек юбилеен билгеләп үтте.

  Ветеран үзенең истәлекле юбилеен кызы йортында, Аксубай бистәсендә каршылады. - Хөрмәтле Мингаян Мингатьевна, чын күңелдән сезне 95 яшьлек юбилеегыз белән котлыйм! - дип мөрәҗәгать итте ветеранга район Башкарма комитеты җитәкчесе Алмаз Мингулов. – Сез колхоз кырларында кечкенәдән хезмәт куеп һәм илебезне сугыштан соң торгызуда катнашып, безнең төбәк үсешенә зур өлеш керттегез. Хезмәтегез өчен ихлас рәхмәт сүзләрен кабул итегез. Сезгә сәламәтлек, иминлек һәм якыннарыгыз арасында озын гомер телим. Алмаз Мингулов шулай ук Россия Федерациясе Президенты Владимир Путинның Котлау хатын укыды, Татарстан Республикасы Авыл хуҗалыгы һәм азык-төлек министрлыгының Рәхмәт хатын һәм истәлекле бүләк тапшырды. Мюд авыл җирлеге башлыгы Татьяна Зюзина аны юбилее белән чын күңелдән котлады. Юбиляр ханым кунакларга күрсәткән игътибарлары өчен рәхмәт белдерде.