Район Советы бинасында Татарстан Республикасы Дәүләт Советы депутаты, Россия Герое Рәсим Баксиков гражданнарны кабул итте.

  Гражданнарны кабул итүдә шулай ук район Башкарма комитеты җитәкчесе Алмаз Мингулов, «Бердәм Россия» партиясенең җирле бүлекчәсе башкарма секретаре Рузилә Бәширова, «Ватанны саклаучылар» фондының социаль координаторы Татьяна Крайнова катнашты. МХО катнашучыларының туганнары, шул исәптән һәлак булганнарның да, үзләренең проблемалы сораулары белән мөрәҗәгать итте. Мөрәҗәгатьләрнең төп темалары арасында түбәне ремонтлау, ташламалар алу, хәбәрсез югалган махсус операция катнашучысын эзләүдә ярдәм оештыру, ДНК үткәрү вакытын тизләтү башка күп кенә сораулар бар иде. Гражданнарны кабул итү комиссиясе әгъзалары һәр килүчене игътибар белән тыңладылар. Барлык мөрәҗәгатьләр дә аерым контрольгә алынды.