Татарстанда бүләк итү шартнамәләре нигезендә 51,1 меңнән артык хокук теркәлгән.

  2024 елда татарстанлылар еш кына җир кишәрлекләре бүләк иттеләр. 2024 ел нәтиҗәләре буенча Татарстан Росреестры бүләк итү шартнамәләре нигезендә 51 156 хокук теркәгән. Шунысы игътибарга лаек, узган ел татарстанлылар иң еш җир кишәрлекләре бүләк иткәннәр: бу объектларга 24,5 меңнән артык хокук теркәлгән. Икенче урында-торак биналар (фатирлар) – якынча 20,7 мең хокук, өченчедә – шәхси торак йортлар-4,7 меңнән артык хокук. Шулай ук торак булмаган биналарны да бүләк иткәннәр, ләкин күпкә сирәгрәк. Узган ел мондый объектларга 1 162 хокук теркәлгән. Казанда башка объектларга караганда күбрәк фатирлар бүләк ителә: 8 221 хокук теркәлгән. Аннары җир кишәрлекләре – 2 880 хокук. Шәхси торак йортларга 760 хокук һәм торак булмаган биналарга 642 хокук теркәлгән. Хәзерге вакытка кадәр күчемсез милекне бүләк итү килешүләрен хокук күчүен дәүләт теркәве белән гади язма формада төзергә мөмкин иде, бу кагыйдәдән искәрмәләрне өлешләрне бүләк итү килешүләре тәшкил итте. 2025 елның 13 гыйнварыннан барлык гражданнар, шул исәптән туганлык бәйләнешләрендә булганнар да, нотариуста күчемсез милек бүләк итү килешүләрен расларга тиеш.