Аксубай районында гражданнар җыеннары башланды.

  Авыл җирлекләрендә 21 очрашу һәм хезмәт коллективлары белән 14 очрашу үткәрү планлаштырыла. Быел беренче очрашу районның Иске Илдерәк һәм Иске Кармәт авыл җирлекләрендә узды. Бүген ул Савруш һәм Урмандеево авыл җирлекләрендә дәвам итте. Анда район Башкарма комитеты җитәкчесе Алмаз Мингулов, район башлыгы вазыйфаларын вакытлыча башкаручы Илшат Заһидуллин, район хезмәтләре һәм ведомстволары вәкилләре, депутатлар һәм җирлек кешеләре катнаша. Җирлек башлыклары 2024 елда үз территорияләренең социаль-икътисадый үсеше турында докладлар тәкъдим иттеләр, хәл ителгән бурычлар турында сөйләделәр һәм 2025 елга планнар белән уртаклаштылар. Мондый очрашулар-авыл кешеләренә турыдан-туры сораулар бирү һәм аларга җавап алу өчен менә дигән мөмкинлек. Халык белән сөйләшү безнең районны тагын да яхшыртырга ярдәм итәр дип ышанабыз! Җыен активистларны бүләкләү белән тәмамланды. Шунысы куанычлы, район җирлекләрендә яшәүчеләр бик актив, төзекләндерү буенча зур эш алып барыла, шул исәптән үзара салым программасы кысаларында да.