Район җитәкчелеге белән киңәшмәдә Мюд һәм Иске Татар Адәм авыл җирлекләре эшенә йомгаклар.

  Район Башкарма комитеты җитәкчесе Алмаз Мингулов, аның урынбасарлары, бүлек башлыклары, хезмәт, оешма һәм ведомство буйсынуындагы учреждениеләр җитәкчеләре катнашында узган атналык киңәшмәдә Мюд һәм Иске Татар Адәмнәре авыл җирлекләре башлыкларының узган ел йомгаклары буенча эшчәнлекләрен тыңладылар.  Мюд авыл җирлеге составына 7 торак пункт керә, халыкның гомуми саны 1133 кеше тәшкил итә. 2024 елда үзара салым акчаларына торак пунктларда юл салу өчен вак таш, 2 бензин тримеры, мотопомпалар, булган трактор өчен эленмә җайланмалар – чапкыч һәм ковш сатып алынды. Җирлек бюджеты хисабына Татар Сөнчәле клубында котел алмаштырылды һәм шул ук авылда тукталыш павильоны урнаштырылды. Мюд бистәсендә почта бүлекчәсе төзелгән. Иске Мокшино клубында яңа урындыклар һәм музыкаль аппаратура барлыкка килде. Дүрт торак пункты Иске Татар Адам авыл җирлеге составына керә, гомуми саны-581 кеше. Районның барлык җирлекләрендәге кебек үк, эшләрнең шактый өлеше гражданнарның үзара салымы хисабына башкарыла. Тахтала авылында зират территориясе җыештырылган, яңа капкалар куелган, хуҗалык блогы җиһазландырылган, күл тирәнәйтелгән, плотина ремонтланган, насос системалары алыштырылган. Түбән Татар Майнасында ФАП ремонтланды, элеккеге РайПо бинасының түбәсе алыштырылды, зират җыештырылды һәм агачлар киселде. Иске Татар  Адәмга су белән тәэмин итү трассасында торбалар алыштырылды. Яңа Татар Адәм авылында су башнясы алыштырылган. Киңәшмәгә йомгак ясап, җирлекләрнең киләчәк үсеше планнарын билгеләделәр.