Көнкүрештә газ-уяу булыгыз!

  Хәзерге дөньяда табигый газ көндәлек көнкүрешнең алыштыргысыз өлешенә әверелде. Ул җылылык, өйләрдә уңайлыклар тудыра, әмма шул ук вакытта куркынычның потенциаль чыганагы булуын онытырга ярамый. «Зәңгәр ягулык» белән бәйле күпчелек фаҗигаләр кулланучылар тарафыннан көнкүрештә газны куркынычсыз куллану кагыйдәләрен бозу белән бәйле. Шуңа бәйле рәвештә түбәндәге элементар һәм гади кагыйдәләрне үтәү кешеләрнең гомерен, сәламәтлеген һәм иминлеген саклап калырга мөмкинлек бирәчәк. Көнкүрештә газ куллану кагыйдәләре Газ приборларыннан файдаланыр алдыннан бинаны җилләтегез һәм һава агымын тәэмин итегез. Газ приборлары эшләгәндә форточканы ачык калдырыгыз. Газ приборларының, төтен чыгаргычларның һәм вентиляцияләрнең нормаль эшләвен күзәтегез, газ приборлары кабызылганчы һәм яну продуктларын төтен чыгарганда тарту көчен тикшерегез. Тарту көче булмаганда газ приборыннан файдалану катгый тыела! Газ җиһазы төзек булмаган очракта, газ җиһазына техник хезмәт күрсәтүгә шартнамә төзелгән махсуслаштырылган оешма хезмәткәрләрен чакырыгыз. Биналарны җылыту, кер киптерү һәм башка шундыйлар өчен газ плитәсе кулланмагыз. Мәктәпкәчә яшьтәге балаларга газ приборларыннан файдаланырга рөхсәт итмәгез. Эшли торган газ җиһазларын караучысыз калдырмагыз. Күпфатирлы торак йортларда төтен чыгару юлларын һәм вентиляция каналларын тикшерү белән идарәче оешмалар шөгыльләнергә тиеш булганга күрә, әлеге җиһазларны тикшерү өчен махсус оешмаларга юл бирегез. Газ җиһазларыннан төтен чыгаручы торбаларны вентиляция каналларына тоташтырмагыз. Моннан тыш, йорт эчендәге газ җиһазларына вакытында техник хезмәт күрсәтүнең сәламәтлекне, милекне югалтуга гына түгел, гомерне югалтуга бәйле инцидентлар санын да киметергә сәләтле булуын белү мөһим! Әгәр дә Сез газ исен тойсагыз: Газ приборларыннан файдалануны кичекмәстән туктатыгыз Приборлардагы һәм газүткәргечләрдәге краннарны ябыгыз Бинаны җилләтү өчен тәрәзәләрне һәм форточкаларны ачыгыз Электр приборларын (яктырту, стационар һәм мобиль телефоннар, электр шалтыратулары һ. б.) кабызмагыз һәм сүндермәгез һәм тәмәке тартмагыз Бар кешене дә фатирдан чыгарыгыз һәм үзегез чыгыгыз. Авария хәлендәге газ хезмәтенә 04, 104 (кәрәзле телефоннан) яки ашыгыч хезмәтләрне чакыруның бердәм номеры - 112 буенча газсыз урыннан хәбәр итегез һәм авария хәлендәге газ хезмәте диспетчеры күрсәтмәләрен үтәгез. «Газпром трансгаз Казан» ҖЧҖ һавада янучан газлар һәм угар газы дәрәҗәсен контрольдә тоту өчен газлылыкны контрольдә тоту системасын (сигнализатор) урнаштырырга киңәш итә. Приборның ябылу клапаны булуына игътибар итегез. Газ агып чыккан очракта яки яну продуктлары концентрациясе арткан очракта, тавыш сигналы яңгыраячак, ә клапан газны каплаячак. Сигнализаторның паспорты һәм сертификаты булырга тиеш, аны әлеге эш төрләренә кертелгән оешмалар урнаштырырга мөмкин. Газ җиһазларыннан файдалану кагыйдәләрен үтәү-сезнең һәм якыннарыгызның  иминлеге нигезе ул!