Аксубай районының Емелькино җирлегендә ел йомгакларына уңай бәя бирелде.
Җирлек советының киңәйтелгән утырышында катнашучыларны Емелькино үзешчән сәнгать коллективы чуаш җыры белән икмәк пешереп каршы алды.
Һәм бу уңай момент нәтиҗәле эшлекле фикер алышуга этәрде. Хисап доклады белән җирлек башлыгы Нина Михайлова чыгыш ясады.
2025 елның 1 гыйнварына авыл җирлегендә 877 кеше яши. Бер ел эчендә бер бала туган, 16 кеше үлгән. Авылларда 413 шәхси ярдәмче хуҗалык исәпләнә. Аларда 436 баш эре мөгезле терлек бар, шулардан 185 сыер, 318 сарык, 141 кәҗә, 253 оя умарта тотыла. 2024 елда савым терлекләренең баш санын саклап калуга юнәлдерелгән дәүләт ярдәме сыйфатында авыл халкына барлыгы 667495 сумлык субсидия бирелгән. Халык сөтне актив тапшыра: хисап елында халыктан 10080509 сумлык 391 тонна сөт сатылган, литр өчен уртача бәя – 25 сум 76 тиен. Җирлек территориясендә өч эшмәкәр эшли, «Колос»авыл хуҗалыгы предприятиесе эшли. Арендага алынган авыл хуҗалыгы җирләрендә «Волга-Селект»ҖЧҖ эшли.
Җирле әһәмияттәге мәсьәләләрне хәл итү мөмкинлеге бирә торган керемнәрнең бер төре – үзара салым. Хисап елында халыктан 266000 сум акча җыелды, республиканың уртак финанславын да исәпкә алып, гомуми сумма 1330000 сум тәшкил итте. Бу акчаларга Емелькино, Черемушка, Яңа Чуваш Адәме, Иске Чуваш Адәме торак пунктлары урамнарына юл салганнар, вак ташлар сатып алганнар һәм түшәгәннәр, буа ярларын ныгытканнар, урам яктырткычлары сатып алганнар һәм урнаштырганнар, бишенче чыбык урнаштырганнар, торак пунктлар чикләрендә урамнарны кыш көне карап тоту эшләре башкарганнар. Территорияләрне төзекләндерү, тәртип урнаштыру мәсьәләләренә зур игътибар бирелә. Бюджет хезмәткәрләре көче белән оешмалар, чишмәләр һәм обелисклар территориясендә чәчәкләр үстерелә. Төзекләндерү кысаларында хисап елында 502 метр бишенче чыбык салынган һәм 10 яктырткыч куелган.
– МХО башлану белән безнең китапханәчеләр һәм мәдәният хезмәткәрләре авыл җирлегенең төп волонтерлары булдылар, – дип билгеләп үтте җирлек башлыгы гуманитар ярдәм җыю һәм маскировка челтәре үрү буенча актив эш алып баруны – МХО башланганнан бирле 169 маскировка челтәре үрелгән, эш дәвам итә. Бүген МХОда авыл җирлегеннән уннан артык кеше хезмәт итә. Хәл ителергә тиешле мәсьәләләр арасында – Яңа Чуаш Адәме, Иске Чуаш Адәме торак пунктлары чикләрендә күперләр төзү, Яңа Чуаш Адәме авылында авыл клубына капиталь ремонт ясау.
2025 елда муниципаль берәмлектә юлларга вак таш җәю, урамнарны яктырту, торак пунктларны төзекләндерү эшләре дәвам итәчәк.
Утырышка йомгак ясап, район башлыгы вазыйфаларын вакытлыча башкаручы Илшат Заһидуллин җирлек Советы эшен иң яхшы позициядән бәяләде. Ул депутатлар корпусының барлык юнәлешләр буенча эшчәнлеге актив алып барылуын, бу авыл халкының проблемалы мәсьәләләрен хәл итүгә ярдәм итүен билгеләп үтте.